Зениттік басқарылатын ракеталар

Зениттік басқарылатын ракеталар — "Жер—Әуе" класына жататын, әуе шабуылына қарсы қорғанысқа арналган ракета түрі. Зениттік басқарылатын ракеталар қарапайым зарядпен де, ядролық зарядпен де зарядтала алады. Зениттік басқарылатын ракеталарды қондырғыдан жібергеннен нысана аймағына шыққанға дейін басқару жерден (кемеден) арнайы радиотехникалық құралдың көмегімен іске асырылады. Ал одан кейін оздігінен бағытталу арқылы ұшады. Кеп жағдайда Зениттік басқарылатын ракеталар күшті аэродинамикалық қасиеттерге ие қанатты ракеталар болып келеді. Оның негізгі бөліктері: планер (корпус, қанаты мен ролі), кемерлік басқару аппараты (антенна, радиотаратқыш немесе қабылдағыштаратқыш және өздігінен бағыттау басы), қозғалтқыш пен энергияның қосымша көздері. Зарядтың жарылысы зениттік басқарылатын ракеталардың ездерінде орнатылатын радиожарғыш арқылы іске асады. Зениттік басқарылатын ракеталардың жылдамдығы шапшаң, барынша дәл көзделеді. Әуедегі тонтық нысаналарды жою үшін ядролық ұрыс заряды бар зениттік басқарылатын ракеталар қолданылады. Зениттік басқарылатын ракеталар дыбыс жылдамдығына дейінгі және дыбыстан ұшкыр жылдамдықпен ұшып келе жатқан нысаналарды талқандай алады. Зениттік басқарылатын ракеталардың шекті ұшу қашықтығы 30 кмге жетеді, старттық салмағы 8 кг — 15,2 т, шекті ұшу жылдамдығы 1700 м/сек және одан жоғары.