Зере Қалиқызы Нүсіп

Зере Қалиқызы Нүсіп 1962 жылы 4 қарашада Алматы облысының Қаракемер кеңшарында туған. Қазақ. Әкесі - Нүсіпов Қали, марқұм, білім беру жүйесінде жетекшілік қызметті атқарған. Анасы - Шәкенова Шолпан Шәкенқызы, зейнеткер, филолог, білім беру жүйесінде қызмет еткен. В.И. Ленин атындағы қазақ политехникалық институтының «қысыммен металдарды өңдеу машиналары мен технологиялары» факультетін бітірген (1984), инженер-механик. Қазақ, орыс және ағылшын (сөздікпен) тілдерін біледі. «Нұр Отан» ХДП мүшесі (2005 жылдан). 1984 жылдан - Шымкент ұсталық-баспақтау жабдығы өндірістік бірлестігінің инженер-нұсқаушысы. 1986 жылдан - Маңғыстау политехникалық колледжінің оқытушысы, әдістемешісі, 1998 жылдан - колледж директорының орынбасары, оқытушы. 2001 жылдан - Маңғыстау облысының әкімі аппаратының бас маманы - Әлеуметтік сала және құрылыс бөлімінің отбасы және әйелдер істері жөніндегі комиссиясының хатшысы. 2002 жылдан - Маңғыстау облысының әкімі аппаратында қоғамдық-саяси және әлеуметтік сала бөлімінің бас маманы - отбасы және әйелдер істері жөніндегі комиссиясының хатшысы. 2003-2004 жылдары - Маңғыстау облыстық Білім беру басқармасы бастығының орынбасары, басқарма бастығының м.а. 2005 жылдан бері - Маңғыстау облыстық Тілдерді дамыту басқармасының бастығы. Діни көзқарасы - ұстамды. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Мен мемлекетімнің гүлденетініне сенімдімін». Хоббиі - поэзия, аспазшылық. Сүйіп оқитын әдебиеті - тарихи романдар. Тұрмыс құрған. Жұбайы - Нұрет Бүркітбай (1964 жылы туған), «Бозащы Оперейтинг» БК механигі. Қыздары - Нұретова Бақыт Бүркітбайқызы (1984 жылы туған), Нұретова Диана Бүркітбайқызы (1989 жылы туған). Немерелері - Жандос (2005 жылы туған), Айбар (2008 жылы туған).