Зульфия Раухатовна Габидуллина

Зульфия Раухатовна Габидуллина 1965 жылы Қазақстан Жамбыл облысы Тараз қаласында дүниеге келген. Спортсмен, жүзуден Қазақстан Республикасының Халықаралық деңгейдегі спорт шебері. Қазақстанның Паралимпиада құрамасының капитаны. Габидуллина әлем бойынша бірнеше халықаралық рейтинг бойынша 8 үздік жүзушілер қатарына кіреді. 50 метрге еркін жүзу стилі санатындағы жүзушілер арасында 4 орынды және 100 метр қашықтыққа жүзушілерден 5 орынды алады. Сондай-ақ, ол 150 метрге кешенді жүзуде бесінші және арқа арқылы жүзу бойынша 50 метрлік қашықтықта жетінші орын алады. Бүгінде 156 медаль мен 200-ден астам грамота мен диплом иегері.

Габидуллина Зульфия Раухатовна
[[Сурет:{{{суреті}}}|{{{сурет ені}}}px]]
Жеке мағлұматтар
Жынысы	Әйел
Мамандандыру	Жүзу
Туған күні	1965 жыл 22 қараша
Туған жері	Жамбыл облысы, Қазақстан, КСРО
Марапаттары мен медальдары {{{медальдары}}}

Өмірбаяны

Шығу тегі татар қызы. 1971 жылы маскүнем мотоцикл жүргізуші оны қағып, жол апатына түсіп, нәтижесінде омыртқа жарақатын алып, басы, қолы және аяғы зақымдалған. Бірақ мойымай жаттығулар жасап, 1990 жылдан бастап спортпен шұғылданады. 1991 жылы мүгедектерге арналған қол арба жарысынан Бірінші президенттік жарысқа қатысып, 4 рет бірінші орынды алды. 1994 жылы жеңіл атлетика және жүзу спорты бойынша спорттың 2 түрінен қатысып, 8 рет бірінші орын алды. Жүзу спортымен кәсіби түрде 2007 жылы айналысуды бастады. Оны мүмкіндіктері шектеулі азаматтарға арналған спорт клубының директоры, Қазақстан Республикасының еңбек сіңірген жаттықтырушысы Саттар Бейсембаев жаттықтырады.

Марапаттары мен жетістіктері

• 2012 жылы Лондонда өткен жазғы Паралимпиада ойындарында арқамен жүзу бойынша 50 метр қашықтықта жүзіп, S3 санатында 12-ші нәтиже көрсетті.
• 2014 жылдың 23 қазанында жүзуші Инчхондағы Паразиялық ойындарда 1:44.33 секунд нәтижесін көрсетіп алтын медаль жеңіп алды.
• 2015 жылы Глазго қаласында өткен әлем чемпионатында Зульфия Габидуллина екі қола жүлдені иеленді.
• 2016 жылдың қыркүйек айында Рио-де-Жанейрода өткен олимпиадада, Зульфия Габидуллина 100 метрлік қашықтықта еркін жүзу бойынша Егемен Қазақстаннның тарихындағы Бірінші параолимпиадалық медальді сыйлады. Сондай-ақ, ол Рио-де-Жанейрода 50 метр еркін жүзу бойынша 4 орынды және арқамен жүзу спорты бойынша 50 метр қашықтықта 6 орынды иеленді.
• 2016 жылы Рио-2016 - ның үздік 3 спортшы әйелдер тізіміне енді.
• 2016 жылы Германиядағы ашық чемпионат жеңімпазы.
• 2017 жылдың 1 маусымында Тараз қаласының әкімі Рүстем Дәулетов Зульфия Ғабидуллина жаңа пәтердің кілтін табыс етті.
• 2017 жылдың 10 шілде күні тірек-қимыл аппараты мен көру мүшелері зақымданған спортшылар арасында жүзуден Германияның ашық чемпионатында Қазақстандық Зульфия Габидуллина 200 метр қашықтықта еркін жүзу бойынша 03:26.65 нәтижесімен әлем рекордын орнатты.
• 2017 жылдың 7 желтоқсанында Зульфия Габидуллина Мексикада жүзуден әлем чемпионы атанды және арнайы награда алды.

II-ші дәрежелі "Барыс" орденімен марапатталды.