Ибн Мискавейх

Әбу Әли Ахмед ибн Мискавейх, Әбу Әли Ахмед ибн Мұхаммед ибн Мискавейх (932, Иран — 1030, Исфахан) — араб тілінде жазған тарихшы, философ, ғалым.

Өмірбаяндық деректері бізге жетпеген.

“Китаб тәджәриб әл-умам” (“Халықтар тәжірибесі жөніндегі кітаптар”) атты 6 томдық тарихи шығарма жазған.

Тәджәриб ат-Табари жазған дәуір мен 983 ж. аралығындағы тарихи кезеңге арналған аса құнды осы тарихи шығармада атақты парсы билеушілері — Аббас әулетінің ішкі-сыртқы саясаты, әкімшілік жүйесі, экономикасы туралы баяндалады. Сондай-ақ Шығыс Еуропа мен Орталық Азия халықтары, оның ішінде түркі тайпалары жөнінде деректер келтіріледі. Бұл мағлұматтар аталған елдердің ортағасырлық тарихын жазуда кеңінен пайдаланылды. Шығарманы ағылшын шығыстанушысы Л. Каэтани 1909 — 19 ж. жарыққа шығарды.