Иван Васильевич Бабин

Бабин Иван Васильевич (1849, Павлодар облысы Железин ауданы Железинка с. - 13.9.1944, Польша, Конты деревнясы) - екінші дүниежүзілік соғысқа катысушы, гвардия кіші сержанты, бөлімше командирі. Орыс. 1941 жылдан Бабин 5-гвардиялық атты әскер полкі (1-Украина майданы 38- армия 1-гвардиялық атты әскер корпусы) кұрамында ұрыстарға қатысты. Ол Польшадағы Кросно қаласы маңындағы Конты деревнясында болған шайқаста ерлік көрсетті. Жаудың дзоттан атылған пулемет оғы бөлімшені алға жүргізбеді. Ол оқ-дәрісі мен гранатасы таусылған соң дзотқа жақындап, оны кеудесімен жапты. Осы ерлігі үшін Бабинге КСРО Жоғары Кеңесі Төралқасының Жарлығымен Кеңес Одағының Батыры атағы берілді (10.4.1945) және Ленин орденімен марапатталды. Қаза тапқан жерге ескерткіш орнатылды. Павлодар қаласындағы Батырлар аллеясына Бабиннің барельефі салынған стелла орнатылды және туып-өскен Железинка селосындағы көшеге есімі берілді.