Иван Ильич Корнев

Иван Ильич Корнев(1900, Шығыс Қазақстан облысы,Бесқарағай ауданы,Үлкен Владимировка селосы - 15.1.1945, Ресей, Калининград облысы,Пилькаллен қаласы) - 2-дүниежүзілік соғысқа қатысушы, сержант, бөлімше командирі. Корнев соғысқа дейін«Прииртышская правда» газеті атындағы ұжымшардың төрағасы болды. Кеңес әскері қатарына 1941 жылы шақырылды. 124-атқыштар дивизиясының Корнев қызмет ететін батальоны 1945 жылы15 қаңтарда Пилькаллен қаласын шабуылмен алуы керек болды. Корнев батальон жауынгерлерімен бірге жаудың траншеясына алғашқылардың бірі болып жетіп, жекпе-жек айқасқа араласты. Найзамен шебер қимылдап, 5 неміс әскері мен бір унтер-офицерді жойды. Ұрыстың қызу кезінде рота командирі қаза тапты. Корнев ротаны басқаруды өз міндетіне алып, ротаны үш рет шабуылға көтеріп, жауға тойтарыс берді. Осы шайқаста ол 30-дан астам жауды бір өзі жойды. Осы ерлігі үшін КСРО Жоғарғы Кеңесі Төралқасының Жарлығымен кайтыс болғаннан кейін Корневке Кеңес Одағының Батыры атағын берді (19.4.1945). Бесқарағайлықтар Үлкен Владимировка селосындағы орта мектепке Корневтің есімін берді.