Иван Семенович Ружейников

Иван Ружейников - революционер, Қазақстанда Сoвет өкіметін орнатуға қатысушы.

Иван Семенович Ружейников
Туған күні

1878 (1878)

Туған жері

Орал

Қайтыс болған күні

31 желтоқсан 1929 (1929-12-31)

Қайтыс болған жері

Мәскеу

Өмірбаяны өңдеу

Томск университетінде оқып жүріп, революциалық ауыл "Сібір тобы" ұйымына кірген. 1904 ж. Революциялық қызметі үшін университеттен шығарылды. Иван Омбыда В.В.Куйбышевпен танысты. 1905 ж. Омбы комитетінің тапсырмасымен Петропавлға келіп, революциялық іске араласты. 1906 ж. Минусинскіге жер аударылды. Сол жылы айдаудан қашып "Сибиряк" деген бүркеніш есіммен Петропавлда, Балтық жағалауында, Одессада революциялық жұмыс жүргізді. 1907 ж. қайта тұтқындалып, Красноярскіде 2 жыл түрмеде отырды. 1914 ж. Батыс майданға әскерге алынып, әскерлер арасында революциялық насихат таратты.Қазан революциясынан кейін Киевте ревком құрамында, 1918 ж. Мәскеуде казактар бөлімінде істеді. В.И.Лениннің тапсыруымен Иван Оралдың ақ казактарымен келіс сөз жүргізді. Лениннің мандатымен Шығыс майданына барып, Оралды босатуға қатысты. Ол 1919 ж. БОАК мүшесі болып сайланды. Ұзақ жылдар бойы Бүкіл Одақтық ОАК-та қызмет атқарған. [1]

Дереккөздер өңдеу

  1. Қазақ Совет Энциклопедиясы, Алматы, 1976ж., 9 том