Иван Тихонович Посошков

Посошков Иван Тихонович (1652, Покровское село, қазіргі Мәскеу облысы,— 1726 ж., Санкт-Петербург) — орыс экономисі және публицисті. Қолөнерші-зергердің семьясында туды. Посошковтың негізгі еңбегі — «Жарлылық пен байлық туралы кітап» (1724, бас.), 18 ғ. бас кезінде орыс публицистикасында елеулі орын алды. Посошков өндіріске басты назар аударды. Посошков жалдама еңбекті, кесімді ақы төлеуді қолданудың тиімділігін атап көрсетіп, заводты «наны мен көжесі» арзандау жерде салуды ұсынды. Посошков процент дәрежесі мен пайда мөлшері арасындағы байланысты дұрыс байқады. Мемлекеттің кедейшілігінің басты себебін а. ш-ның кенже қалуынан деп білді, ал оны шаруаларды аяусыз қанаудан деп түсіндірді. Посошков өнеркәсіп пен сауданы дамытуды құптап, пайдалы қазбаларды зерттеуді және мануфактураны өрістетуді ұсынды. Петр I өлгеннен кейін тұтқынға алынып, Петропавловск қамалында қайтыс болды.[1]

Дереккөздер өңдеу

  1. Қазақ Совет Энциклопедиясы, 9 том