Изоэлектрлік фокустеу

Изоэлектрлік фокустеу - ақуызды заттардың өте күрделі қоспаларын электрофорездік жолмен бөлудің жетілдірілген əісі. Бұл əдіс қоршаған ортаның рН шамасына байланысты ақуыз молекулалары зарядының өзгеруіне негізделген. Изоэлектрлік нүктеге жеткен кезде ақуыз молекуласы зарядтарының саны нольге тең болатыны жəне бұл кезде электр өрістерінің əсерінен оның қозғала алмайтыны белгілі.

Ақуыздың құрылымының деңгейлерi: 1 — біріншілік, 2 — екіншілік, 3 — үшіншілік, 4 — төртіншілік

Жалпылама ұғым

Изоэлектрлік фокустеу барысында шыны бағананы полиакриламидтік гельмен толтырғанда ерекше буфердің (амфолнттердің) əсерімен рН градиенті қалыптасады. Осыдан кейін гельдің үстіне белок қоспаларының ерітіндісі құйылады. Бұл кезде электр өрістерінің əсерінен əр ақуыз өзінің изоэлектрлік нүктесіне сəйкес келетін рН градиенті аймағына ауысады да, сонда қозғалысын тоқтатып, қалып қояды. Осылайша ақуыздар қоспасы изоэлектрлік нүктесіне байланысты бөлініп, гель бағанасы бойына орналасады. Сөйтіп, əр ақуыз өзіне тиісті тар алқапта рН көрсеткіші бойынша шоғырланып орналасады. Осылайша бөлінген топтарын (фракцияларын) коллекторға жинақтайды да, рН көрсеткіші бойынша ажыратып алады.