Икемді өндіріс

Икемді өндіріс - бір өнімді өндіруден басқа өнімді өндіруге тез бұрылу қабілеттілігі. Бұл - фордизмге тән бұқаралық тұтынуға арналған стандартты өнімді икемсіз өндіруге қарсы тұратын постфордизмнін негізгі элементі. Икемді өндіріс басқа өнімді минималды тоқтап тұру уақытында тез шығаруға, сондай-ақ, іскер ұйымдастырудың органикалық формаларын, орталықсыздандыруды, субподрядтарды енгізуге, негізгі жұмыс күшін кәсіби дайындауға және өндірісті ғаламдандыруға мүмкіндік береді. Мұндай жүйелер постмодернизм кезеңіне тән қасиеттер - өмір салтын индивидуалды таңдауға немесе теңдікке материалдық мүмкіншіліктер құруға көмектеседі.