Илья Владимирович Бахарев

Илья Владимирович Бахарев - 1975 жылы 24 қаңтарда Алматы қаласында туған. Орыс. Әкесі - Бахарев Владимир Николаевич, «Медеу» СК спорттық-көпшілік бөлімінде жұмыс істейді. Анасы - Бахарева Ольга Сергеевна, «Спешиал Олимпикс Қазақстан» директоры. Туризм және спорт академиясының велоконьки спорты бөлімшесін (1999); Қазақ-Американ университетін (2001) іскерлік әкімгерлік магистрі мамандығы бойынша бітірген. Орыс және ағылшын тілдерін біледі. 1995 жылдан - «Арх-Интернешнл» БК экспедиторы (Алматы қ.). 1996 жылдан - «Эси Эс Казахстан» ЖШС менеджері, маркетинг бөлімінің директоры (Алматы қ.). 1998 жылдан - «Спешиал Олимпикс Казахстан» ҮЕ¥ Алматы филиалының директоры. 2000 жылдан - «ZAMAN» ЖШС бизнесті дамыту жөніндегі директоры (Алматы қ.). 2002 жылдан бері - «EVENT DISCOVERY» ЖШС бас директоры (Алматы қ.). «Спешиал Олимпикс Казахстан» ҮЕҮ Директорлар кеңесінің, қамқоршылар кеңесінің мүшесі. ҚР коньки спорты бойынша спорт шебері. Хоббиі - тау шаңғысы, коньки, тауға жорыққа шығу, велосипедпен серуендеу. Сүйіп оқитын әдебиеті - М. Лермонтов, А.С. Пушкин, Д.Г. Байрон, У. Шекспир, О. де Бальзак, Л.Н. Толстой және т.б.; түрлі бағыттағы білім беруші әдебиет (астрономиядан менеджментке дейін). Үйленген. Жұбайы - Бахарева Виктория Эдуардовна. Ұлдары - Бахарев Илья, Бахарев Максим; қызы - Бахарева Кристина.