Иман үйіру

Иман үйіру – дүние салғалы жатқан адамға жасалынатын мұсылмандық ғұрыптардың бірі.

Жан тапсырғалы жатқан адамның жан беруін жеңілдету және фәни дүниеде Аллаға соңғы рет құлшылық еткізу үшін молда немесе өзге де діни сауатты адам “кәлима-и сөздер” мен Құранның Йа-син сүресін оқиды. Жан беретін адам мүмкіндігінше қайталап айтуы тиіс, шамасы келмесе зорлық жасалмайды. Сүреден кейін “мейрам су” ішкізіледі. Осы талаптар сақталған жағдайда адам иманы үйіріліп о дүниеге аттанған болып саналады. Иман үйіруге мүмкіндіктер болмаған жағдайда (апат, өрт, зілзала, соғыс, т.б.) иман үйірумеу күнәға саналмайды.