Иммунды құрамалы аурулар

Иммунды құрамалы аурулар — организмде иммунды құрамалардың (антиген-антидене) жиналып қалуымен байланысты аурулар. Жұқпалы аурулардың жіті және ошақты түрлерінде сүзгіш негізді мембраналары бар мүшелерде (мысалы бүйрек гломерулаларында, буын қуыстарында, хороид өрімінде) антиген-антидене құрамасы жиналады. Антигендер үздіксіз түзіліп тұратын созылмалы жұқпалы ауруларда мұндай комплекстер көп уақыт жиналуы мүмкін (мысалы гломерулонефрит, васкулит). Мұндай жиналымдары көбінесе вирус ауруларынан кейін кездесетін болғандықтан оларды вирус туғызады деген ой айтылып жүр. Иммунды аурулар мысалы ретінде В гепатит ауруы кезінде қабаттасып бірге жүретін гломерулонефрит пен васкулит ауруларын айтуға болады.