Ионизатор

Ионизатор - үйдің ауасын жасанды түрде аэроиондармен (электрмен зарядталған газ молекуласымен) қанықтыруға арналған. Теріс аэроиондардың емдік қасиеті бар, ол адамның организміне игі әсер етіп, жұмыс істеу қабілетін арттырады, организмдегі оттегінің жетіспеуін азайтады, ауырған адамның тезірек сауығуына көмектеседі. Теріс аэроиондар жүрек-тамырлары ауруларының кейбір түрлерін, тыныс жолдарын т. б. ауруларды емдеуге қолданылады. Мұндай аэроиондар таулы жердің, орманньщ, теңіздің, сарқырама мен тау өзендері жағасының ауасында, әсіресе күн күркіреуінен кейін мол болады. Қала ішіндегі ау ада, оның ішінде тұрғын үйлер де өте аз.

Ионизаторды көбінесе түнде жұмысқа қосады, ол кезде терезенің желдеткіші ашық болуы қажет. Ионизатордың адамға ешқандай зияны жоқ, дегенмен электр тогының кейбір қолайсыз әсерінен сақ болу үшін ток көзіне қосылған ионизатордың қорабына не таратқышына қол тигізбеген жөн. Аэроионизатордың көмегімен (мысалы, «Айна») ауаны теріс аэроионмен қанықтыруға болады. Ол әрі электрлі жылу желдеткішінің, әрі ионизатордың жұмысын атқара алады.