Иония
Иония (көне грекше: ἡ Ἰωνία, лат. Ionia) - Кіші Азияның орталық бөлігіндегі жағалық алабтың және соған жапсарлас Фокей мен Милет қалалары аралығындағы аралдардың ежелгі грекше атауы.
Б.з.б. 2- мыңжылдықтың 2-ші жартысында Ионияны гректер-ахеялықтар қоныстанды. Кейінірек иониялықтар отарлады. Иония арқылы Шығыс елдерінің Батыс елдерімен арадағы сауда - саттық және мәдени байланыстары жанданады. Иония қалаларының транзиттік саудасы мен қол өнерінің өркен жаюы Ионияның гүлденуіне және оның грек - парсы соғыстарында жектекшілік рольге ие болуына әсер етті. Б.з.б. 8-7 ғ-да Иония отарлау орталығы әрі ежелгі грек мәдениетінің ұйытқысы болды[1].
Дереккөздер өңдеу
- ↑ Қазақ Совет Энциклопедиясы, Алматы 1974,5 том