Ирина Викторовна Чащина

	Чащина Ирина Викторовна
	; Көркем гимнастикадан әлемнің және Еуропаның бірнеше дүркін чемпионы Ирина Чащина.
Жеке мағлұматтар
Жынысы	Әйел
Азаматтығы	Ресей
Туған күні	24 сәуір 1982 (42 жас)
Бапкер(лер)і	Ирина Винер
Бойы	165 см
Салмағы	51 кг
Марапаттары мен медальдары Афина 2004, Олимпиада ойындары, Күміс медаль
	Бұл үлгіні: көру • талқылау • өңдеу

Ирина Викторовна Чащина – (24 сәуір 1982 жыл, Омбы қаласы) – ресейлік спортшы, көркем гимнастиканың шоқ жұлдызы. Әлем чемпионы, 2004 жылғы Олимпиада ойындарының күміс жүлдегері, көркем гимнастикадан спорт шебері.

Спорттағы өмірі

Алты жасынан бастап, көркем гимнастикамен шұғылданады. Алғашқы жаттықтырушысы – Арайс Елена Николаевна. 4 жылдан кейін, ол Ресейдің еңбек сіңірген жаттықтырушысы – Штельбаумс Вера Ефремовнаның қол астында жаттығады. 12 жасынан бастап Ресей құрама командасының мүшесі болып, Мәскеу қаласында көптеген жиындардың қатысушысы атанған. Ең алғашқы жеңісі, ТМД Спартакиадасында алтын медальдің иегері атануы.

1999 жылдың маусымынан бастап, Ирина Чащина, Вингер Иринаның қол астында жаттығады. Сол кездерден бастап, оның Ресей құрама командасында өнер көрсетуі бастау тапты.

2004 жылы Афинада өткен XXVIII жаздық Олимпиада ойындарында Ирина күміс медальдін иегері атанды.

Халық қызметінде

26 жасынан бастап, Ирина Москва қаласындағы спорт және туризм орталығының басшысы болды. Ал 2011 жылдың 28 ақпанында, Ирина өз қалауымен жұмыстан шықты.

Спорттағы жетістіктері

1999 жылы Испанияда өткен, бүкіл Еуропа чемпионатының бас жүлдегері.
1999 жылы, Жапонияда өткен бүкіләлемдік жарыста Ресей құрама командасымен өнер көрсетуінде, алтын медаль иегері.
Афинада өткен XXVIII жаздық Олимпиада ойындарының күміс жүлдегері.
2001 жылы Австралияда өткен жарыстың 1 орын жүлдегері.
2001 жылы, Сан – Францискода, « Invitational» атты халқаралық жарыстың 1 орын иегері.
2002 жылы Нидерландыда өткен халқаралық жарыста, скакалкамен өнер көрсетуде алтын медаль жүлдегері.
2002 жылы Берлинде өткен халқаралық жарыста, шеңбер және булавамен өнер көрсетуде алтын медаль иегері.

Жеке өмірі

2001 жылдың аяғында, Ирина бизнесмен Евгений Архиповқа тұрмысқа шықты. Евгений Архипов Дмитрий Медведевтің жан досы. Ирина мен Евгенийдің үйлену тойында, бас қонақ атағына Д.Медведев пен оның жары ие болды.