Ислам Әбілғазиев

Әбілғазиев Ислам (1944, Атырау облысы Мақат ауд., Сағыз к.) ). Қазақ политехникалық институтын бітірген (1968). 1960-1963 жылдары - «Қошқар» ірілендірілген мұнай кәсіпшілігінің автотрактор паркінде слесарь. 1968-1980 жылдары - «Ембімұнай» ӨБ «Мақатмұнай» МГӨБ Қошқар мұнай өндіру цехында мұнай өндіру шебері, аға инженер, цех бастығы. 1980-1986 жылдары - «Ембімұнай» ӨБ «Мақатмұнай» МГӨБ бастығының орынбасары. 1986-1988 жылдары - халық депутаттары Мақат поселкелік Кеңесі атқару комитетінің төрағасы, халық депутаттары Мақат аудандық Кеңесі атқару комитеті төрагасының орынбасары. 1988-1989 жылдары - «Ембімұнай» ӨБ «Доссормұнай» МГӨБ Мақат цехы бастығының орынбасары. 1989-1992 жылдары - халық депутаттары аудандық Кеңесі атқару комитеті төрағасының орынбасары, экономикалық комитетінің төрағасы. 1992-1995 жылдары - Мақат аудандық әкімшілігі басшысының орынбасары, бірінші орынбасары, экономикалық комитетінің төрағасы. 1995-2000 жылдары - Мақат ауданының әкімі. 2000 жылдан - «ҚазМұнайГаз» БӨ АҚ «Ембімұнайгаз» ӨФ «Доссормұнайгаз» МГӨБ бастығының әлеуметтік мәселелер жөніндегі орынбасары.