Итбас (тау, Төретай таулары)

Итбас – Төретай таулары мен Балқаш көлінің аралығындағы оқшауланған тау.

Итбас
Сипаттамасы
Пайда болған кезеңі	Силур
Ұзындығы	2,5 км
Ені	2 км
Биіктігі	612 м
Орналасуы
46°55′41″N 76°25′49″E
Елдер	Қазақстан, Қарағанды облысы Ақтоғай ауданы Ащыөзек қонысынан солтүстікке қарай 25 км жерде
Итбас
Итбас

 Басқа мағыналар үшін Итбас деген бетті қараңыз.

Географиялық орны

Қарағанды облысы Ақтоғай ауданы Ащыөзек қонысынан солтүстікке қарай 25 км жерде орналасқан. Абсолюттік биіктігі 612 м. Солтүстік-шығыстан оңтүстік-батысқа қарай 2,5 км-ге созылып жатыр, енді жері 2 км.

Жер бедері

Беткейлері көлбеу, түпкі жыныстары жалаңаштанған. Маңында Тесіктас бұлағы, Қызылқұдық құдығы орналасқан.

Геологиялық құрылымы

Силур жүйесінің төменгі кезеңінің тау жыныстарынан түзілген.

Өсімдігі

Сұр қоңыр, тақыр типтес сортаңды топырақ жамылғысында эфемерлі сұр жусан, күйреуік, баялыш, бұйырғын өседі. Тау етегі мал жайылымына пайдаланылады.