Иустина Ивановна Загвоздкина

Загвоздкина Иустина Ивановна - (15.10.1908, Ресей, Түмен облысы, Малмыш селосы – 30.10.1985, Семей қаласы) – Қазақстанның халық артісі (1964); (1955 жылдан Қазақстанның еңбек сіңірген артісі).

Түмен драма театры жанындағы актерлік студияны бітірген (1934). Ресейдің Тюмень, Ливенск және Белгород театрларында өнер көрсеткен. Қазақстанға қоныс аударып, 1939 – 83 жылы Семей орыс драма театры сахнасында сан алуан рөлдерде ойнады. Загвоздкинаның Қазақстан театры сахнасында ерекше шеберлікпен сомдаған бейнелері қатарында Дунька (К.А. Треневтің “Любовь Яроваясында”), Тузикова (А.Д. Салынскийдің “Барабаншы қызында”), Еркежан (М.Әуезов пен Л.С. Соболевтің “Абайында”) т.б. рөлдер бар.