Йохан Кройф
Хендрик Йоханнес Кройф (Круифф) (нидер. Hendrik Johannes Cruijff , [ˈjoːɦɑn ˈkrœy̆f], Йохан Крёйфф; 25 сәуір 1947[1], Амстердам, Нидерланд — 24 наурыз 2016, Барселона, Испания) — нидерландылық футболшы және бапкер. Нидерланд Ұлттық футбол құрамасының, «Аякс», «Барселона» клубтарының шабуылшысы. Бүкіл карьерасында 752 матчта алаңға шығып, 425 гол соққан. "Алтын доп" жүлдесінің үш дүркін иегері. ХХ ғасырдағы әлемнің ең үздік футболшыларының бірі.
Йохан Кройф  | |||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||
| Жалпы мағлұмат | |||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Толық аты |
Хендрик Йоханнес Кройф | ||||||||||||||||||||||||||||||||||||||||||||||||
| Туған күні | |||||||||||||||||||||||||||||||||||||||||||||||||
| Туған жері | |||||||||||||||||||||||||||||||||||||||||||||||||
| Қайтыс болған күні | |||||||||||||||||||||||||||||||||||||||||||||||||
| Азаматтығы | |||||||||||||||||||||||||||||||||||||||||||||||||
| Бойы |
178 | ||||||||||||||||||||||||||||||||||||||||||||||||
| Позиция |
шабуылшы | ||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||
Өмірбаяны өңдеу
Йохан Кройф 1947 жылы 25 сәуірде Амстердамда Германюс Корнелиус пен Петронелла Драйердің отбасында дүниеге келді. Балалық шағы Бетондроп ықшамауданындағы Аккерстрат көшесінде доп қуалаумен өтіпті. Кейін "Аякстің" жастар клубына қабылданады. 1964 жылдан бастап кәсіби футболшы ретінде алаңға шығады. "Аякс" сапында 1973 жылға дейін ойнап, сегіз рет Нидерланд чемпиондығына қол жеткізеді. Үш маусым қатарынан, 1971-73 жылдары УЕФА Чемпиондар Кубогының жеңімпазы атанады. 1973 жылғы табысты маусымнан соң "Барселонаға" ауысады. 1974 жылғы әлем чемпионатына осы каталондық клубтың сапында жүргенде барады.
1974 жылғы әлем чемпионатында Нидерланд құрамасы "тұтасқан футболдың" үлгісін көрсетіп, әлем футболының жаңа өркениетіне жол ашады. Финалға дейін Бразилияны 2:0, Аргентинаны 4:0 есебімен ұтып, алтын жүлдеден басты үміткер командаға айналғанымен, финалда ГФР құрамасынан 1:2 есебімен жеңіліп қалады. Осы жеңілістен соң Кройф енді ешқашан әлем чемпионатында ойнамауға серт береді. Сертінде тұрып, 1978 жылғы әлем чемпионатына жолдама алуы үшін құрамаға көмектеседі де, өзі мундиалға комментатор ретінде барады.
Бапкерлік карьерасында "Барселонаны" жаттықтырып жүріп біраз табыстарға жетті. 1992 жылғы Чемпиондар Лигасын ұтып алды да, осы турнирде футболшы ретінде де, бапкер ретінде де жеңімпаз атанған тұлғалардың біріне айналды.
2016 жылы 24 наурызда рак ауруынан қайтыс болды.
Жетістіктері өңдеу
Командалық өңдеу
- Әлем чемпионатының күміс жүлдегері: 1974
- Еуропа чемпионатының күміс жүлдегері: 1976
- Нидерланд чемпионы (8): 1965/66, 1966/67, 1967/68, 1969/70, 1971/72, 1972/73, 1981/82, 1982/83
- Нидерланд кубогы (5): 1966/67, 1969/70, 1970/71, 1971/72, 1982/83
- УЕФА Чемпиондар Кубогы (3): 1970/71, 1971/72, 1972/73
- УЕФА Суперкубогы (1): 1972
- Континентаралық кубок: 1972
- Испания чемпионы: 1973/74
- Испания кубогы: 1977/78
- Нидерланд чемпионы: 1983/84
- Нидерланд кубогы: 1983/84
Бапкер ретінде өңдеу
- Нидерланд кубогы (2): 1985/86, 1986/87
- Кубок иелерінің кубогы: 1986/87
- Испания чемпионы (4): 1990/91, 1991/92, 1992/93, 1993/94
- Испания кубогы: 1989/90
- Испания суперкубогы (3): 1991, 1992, 1994
- УЕФА Чемпиондар Кубогы: 1991/92
- УЕФА Кубок иелерінің кубогы УЕФА: 1988/89
- УЕФА Суперкубогы: 1992
Жеке жетістіктері өңдеу
- 1954—2003 жж Нидерландының ең үздік футболшысы (УЕФА-ның 50 жылдық мерейтойына орай)
- "Алтын доп" иегері (3): 1971, 1973, 1974
- Испанияның ең үздік легионер футболшысы (2): 1977, 1978
- Нидерландының үздік мергені (2): 1967 (33 гол), 1972 (25 гол)
- Нидерланд кубогының үздік мергені: 1966 (9 гол)
- Чемпиондар Кубогының үздік мергені: 1971/72 (5 гол)
- World Soccer версиясы бойынша ХХ ғасыр футболшылары арасында 2-орын.
- ФИФА 100 тізіміне енген
- ӘЧ-1974 үздік футболшысы
Отбасы өңдеу
1968 жылы 2 желтоқсанда Дэнни Костерге үйленді. Ұлы Йорди Кройф та футболшы, футбол жаттықтырушысы.
Есте сақтау өңдеу
2016 жылы 9 қыркүйекте Вальфогона-де-Риукорб қаласында көшенің аты берілді.
"Аякс" стадионы 2019 жылы 26 тамызда Йохан Кройф арена деп аталды.
2019 жылы "Камп Ноу" стадионында Кройф статуясы орнатылған.