Каламиттер тұқымдасы

Каламиттер тұқымдасы (Calamіtales) – алып қырықбуын тәрізді, сабағы бунақты, жойылып кеткен өсімдіктер. Каламиттер тұқымдасына жататын өсімдіктердің көпшілігінің сыртқы түрі ағашқа ұқсас, биіктігі 20 метрге дейін. Каламиттердің анатомиялық құрылысының қырықбуындарға қарағанда айырмашылығы – мұнда сирек күшті дамыған, бірақ қырықбуындардағыдай діңінің ішінде қуыс болады. Спорофилді өркендері (стробилдері) изоспоралы немесе гетероспоралы болып, бұтағының ұшында жетіледі. Каламиттер тұқымдасының негізгі туысы – каламит (Calamіtales). Бұлар тас көмір кезеңінің басында пайда болып, пермьнің аяғы триастың басында жойылып кеткен. Каламиттер тұқымдасына жататын өсімдіктер тропиктік аймақтарда, әсіресе, батпақты жерлерде кең тараған және мөлшері ірі болған. Каламиттердің девон-пермь биостратиграфиясын анықтауда маңызы зор.