Камал Қармысов

Камал Қармысов (24 сәуір 1912, қазіргі Алматы облысы, Жамбыл ауданы, Беріктас - 21 мамыр 1991, Алматы) — кино және театр актері, Қазақстан халық артисі (1957).

Камал Қармысов
Сурет
Қармысов "Менің арманым" (1966) фильмінде
Жалпы мағлұмат
Туған күні

24 сәуір 1912 (1912-04-24)

Туған жері

Беріктас ауылы, Жамбыл ауданы, Алматы облысы, Қазақстан

Қайтыс болған күні

21 мамыр 1991 (1991-05-21) (79 жас)

Қайтыс болған жері

Алматы, Қазақстан

Азаматтығы

 Қазақстан
 КСРО (1912-1991)

Мамандығы

актер

Белсенді жылдары

1941 — 1989 жылдар

Марапаттары

Өмірбаяны өңдеу

Камал Қармысов 1912 жылдың 24 сәуірінде қазіргі Алматы облысы, Жамбыл ауданы, Беріктас ауылында дүниеге келген.

1927 жылы Қармысов Алматы сауда қызметкерлері клубының драмалық үйірмесіне белсене араласты.

1929 жылы Ташкенттегі Орта Азия университеттінде оқуын бітірді.

1930 жылы Риддер жұмысшы-жастар театрын ұйымдастыруға қатысты.

1931 жылы Камал Қазақ ақадемия-драмалық театрының құрамына қабылданады.

1936 және 1958 жылдары Мәскеу қаласында өткен Қазақ әдебиеті мен өнерінің онкүндігіне қатысты.

Ойнаған рольдер өңдеу

Қармысов - кейіпкердің кескін-келбетін, қимыл-қозғалысын дәл тауып, оның ішкі жан дүниесімен шебер шендестіре білген актер. Әсіресе, өткір мінезді, сатиралық рольдердің шебері болған. Ол Керім (М.Әуезов пен Л.Соболевтің "Абайында"), Қозы, Жантық (Ғ.Мүсіреповтің "Қозы Көрпеш - Баян сүлуында"), Төлеген Тоқтаров (Әуезов пен Ә.Әбішевтің "Намыс гвардиясында"), Гасфорт (Мұқановтың "Шоқан Уәлихановында"), Қаражан (О.Бөкейдің "Құлыным, меніңінде"), т.б. бар. Қармысов орыс және шетел классик, шығармаларында көп ойнады. Атап айтсақ, Барон (М.Горьқийдің "Шыңырау түбіндесінде"), Хлестақов (Н.В. Гогольдің "Ревизорында"), Гарпагон (Ж.Мольердің "Сараңында"), Яго (У.Шекспирдің"Отеллосында"),т.б. бар.

1945 жылдан бастап киноға түскен, олардың арасындағы ең белгілі рөлдері: Оспан ("Абай әні", 1945), Жантақ ("Махаббат дастаны", 1954), Әлімхан ("Дала қызы", 1954), т.б.

Фильмографиясы өңдеу

Атауы Жанры Түскен жылы Рөлі
Түнгі сарын Спектакль 1935 Нұрқан
Ревизор Спектакль 1936 Хлестаков
Жаздық махаббат Спектакль 1937 Федор Швандя
Отелло Спектакль 1939 Яго
Ақан сері-Ақтоты Спектакль 1942 Сердалы
Намыс гвардиясы Спектакль 1942 Төлеген Тоқтаров
Асауға тұсау Спектакль 1943 Транио
Абай әндері Фильм 1945 Оспан
Шыңырау түбінде Спектакль 1946 Барон
Сараң Спектакль 1952 Гарпагон
Махаббат дастаны Фильм 1954 Жантақ
Дала қызы Фильм 1954 Әмірхан
Іштарлық Спектакль 1955 Келіман
Біздің сүйікті дәрігер Фильм 1957 Сиқыршы
Майра Спектакль 1957 Дүрбіт
Айман-Шолпан Спектакль 1960 Жарас
Сәуле Спектакль 1961 Сірдақ
Тұлпардың ізі Фильм 1964

Марапаттары өңдеу

  • Қазақстан Мемлекеттік сыйлығы (1980).
  • 2 рет Еңбек Қызыл Ту ордені.
  • "Халықтар достығы" медалі.
  • "Құрмет белгісі" ордені.[1]

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8