Камба

Камба (акамба) — Кениядағы банту тобының халқы. Кениядағы саны жөнінен үшінші үлкен халық. Олар негізінен елдің оңтүстігінде тұрады. Жалпы саны 3,8 миллион адам. (2008, бағалау). Сондай ақ 87 мың адам Танзанияда, 6 мың адам Угандада тұрады.

акамба
Камба
Бүкіл халықтың саны
3,8 млн.
Ең көп таралған аймақтар
Кения	3,7 млн.
Танзания	87 000
Уганда	6 000
Тілдері
камба тілі, суахили тілі
Діні
христиандық, дәстүрлі діндер

Тілі

Камбалар ана тілі ретінде камба тілінде (кикамба деп те аталады) сөйлейді. Суахили тілі де кең таралған.

Діні

Камбалар арасында әртүрлі діндер кең таралған, дегенмен басым көпшілігі, 60% христиан дініне жатады (протестанттар). Қалған 40% әлі де өздерін дәстүрлі африкалық діндер қатарына жатқызады.

Кәсібі

Негізгі дәстүрлі кәсіптері суармалы, беткейлерде – террассалы егіншілік (сорго, жүгері, бұршақ, тәтті картоп және ямс, отаршылдық кезеңде – мақта және сизаль) және мал шаруашылығы (қысқа мүйізді зебу, қой, ешкі). Қолөнерден ұсталық және қыш өнері, ағаш ою өнері (мүсін, үш аяқты орындық, т.б.) дамыған. Камбалар – білікті аңшылар мен садақшылар, омарта шаруашылығымен айналысады.

Өмір салты

Дәстүрлі әлеуметтік ұйымда жас топтары жүйесі маңызды рөл атқарады. Оларда 25 патрилиндік рулар (мбай) бар. Ауылдық қауымдастықтарды (утуй) ақсақалдар кеңесі (атумия) басқарады және көп балалы отбасылардан (муси) тұрады. Көп әйел алу және неке төлемі жиі кездеседі.

Елді мекендері шашыраңқы орналасқан. Лашықтары дулыға тәрізді, жақтауы таяқтар мен шыбықтардан, төбесі шөптен жасалған. Есіктері пальма жапырақтарынан жасалған жабындымен жабылған.

Дәстүрлі иімдері - былғары жамылғылар немесе алжапқыштар, көптеген металл және моншақ әшекейлерді пайдаланады.

Дәстүрлі тағамдары - қышқыл сүт, кейде жүгері ұны, бұршақ дақылдары бар жүгері ботқасы. Ет сирек тұтынылды.