Канзас қаласының қоғамдық кітапханасы

Канзас қаласының қоғамдық кітапханасы – АҚШ-тың Миссури штатының Канзас қаласында орналасқан қоғамдық кітапхана. Бұл кітапхана туристер арасында кең танымал.

Тарихы

Қанзас қаласының орталық кітапханасының ғимараты

Канзастың қоғамдық кітапханасы 1873 жылы ашылды және бастапқыда орталықтан алыстағы басқа бір ғимаратта орналасты. Уақыт өте келе кітапхана келушілерінің саны, қала билігі кітапхананы қолжетімді жерге ауыстыру керек деген шешім қабылданды. Осы мақсатта 2000 жылы бұрын ұлттық банк ретінде қолданылған үлкен жекежай таңдалынды. 2002 жылы ғимарат құрылысы басталды. Кітапхананы салу үшін барлығы $50 миллион жұмсалды және бұл ақша қайырымдылық қорлары мен тұрғындардың салықтары арқылы жиналды. Негізінде әлгі жекежай 1904 жылдан бері келе жатырған көне ғимарат болғандықтан, бастапқыда жекежайды сол күйінде қалдыру жоспарланған болатын, себебі ғимарат бірнеше кезеңдер мен оқиғаларды басынан кешірген және сәулетшілер де тарихи мұрадан бас тартуды қаламады. 2004 жылы кітапхана алғашқы келушілерін қабылдады, ал 2 жылдан соң кітапханаға қосымша 2 көлік қоятын аумақ қосылды. Осы идея ғимараттың алдын әшекейлендіріп тұрды. Сәулетшілерге көшеден өтіп бара жатқан адамдардан көлек қою аумағын жауып тұратын ерекше және әсем етіп көрсететін тың дүние ойлап табуға тапсырма берілген болатын. Осылайша, кітап сөрелері бейнесіндегі ғамарат идеясы пайда болды.

Алып кітаптардың тізімін жасау жұмысы

Алып сөрелерге қойылатын кітаптар тізімін критерийлер бойынша таңдау құқығы қала тұрғындарына тапсырылды. Басты шарт – таңдалған кітап беттерінде қала жайлы ақпарат көрініс табу қажет болатын. Осылайша кітаптар ұйымдастырылған дауыс беру арқылы 2 жыл көлемінде әлемнің ең үздік әдеби шығармалары таңдалынды.

Кітапхананың қазіргі жағдайы

Қазіргі таңда, ғимаратты салуғы жұмсалған қаржы өзін толығымен ақтады, себебі қазіргі бұл АҚШ-тағы 2,5 миллион кітабы бар кітапхана ғана емес, сонымен қатар концерт залдары, конференц-залдары, кафетерийлері және білім беру орталығы бар үлкен ғимарат. Статистика бойынша кітапхана 1 жылда 2,4 миллион адамға қызмет береді екен. Кітапхананың басқа елдерде 10 филиалы бар, алайда олардың ешқайсысы негізгі ғимараттың дизайнымен, әдемілігімен және үлкендігімен салыстыруға келмейді. Кітапханада шамдармен жабдықталған бөлмелер және табиғатты ұнататындарға арналған күн сәулесі жақсы түсетін бөлмелер де бар. Ғимаратқа заманауи компьютерлер енгізілген, әртүрлі өнерге жақын мүсіндер де жетерлік.