Карданды қосылыс (Гука шарнирі)Карданды механизм[1], кардан [Италия ғалымы Дж.Кардано (1501 – 1576) есімімен аталған] – айналысты жетекші біліктен алшақ жатқан жетектегі білікке беруге арналған құрылғы. Ол кардан білігінен және оның екі (кейде бір) ұшына кигізген карданнан тұрады. Карданды механизмді кардандық беріліс немесе кардан топсасы деп те атайды. Оның жартылай және толық кардан, қатаң және солқылдақ кардан деп аталатын түрлері бар.Карданды механизм автомобильде, тракторда, тағы сондай сондай жылжымалы техникада айналдыру моментін беріліс (немесе үлестіру) қорабынан жетекші белдіктегі басты беріліске жеткізу үшін қолданылады.
