Кардица қаласы

Кардица қаласы (Грекия) (гр. Καρδίτσα) — Грекия қаласы. Халық саны 37 768 адам (2001 жылғы халық санағы бойынша). Қаланың негізі Осман империясының кезінде қаланды. Кентті Аграф тауының тұрғындарынан қорғану үшін салған. Кент жайында алғаш рет 1810 жылы ағылшын саяхатшы, әскери-теңіз флотының полковникі Уильям М. Лик (гр. William M. Leake) жазады. 1821 жылы қалада оба ауруынан көптеген тұрғындар қайтыс болады. Дегенмен ғасырдың ортасында қалада 400 шаңырақ саналған. 1882 жылы кентті түріктерден азат еткеннен кейін қала болып өзгертіледі.

Грекиядағы Азамат соғысы кезінде 1948 жылы Грекияның Демократиялық әскерінің қарулы күштері қалаға шабуыл жасағанда қанды қақтығыс болған. Бұл қақтығыс желтоқсанның 11-нен 12-не қараған түні орын алады. Қала тұрғындарының қауіпсіздігі үшін артиллериясы бар 600 үкімет әскері және 90 полиция қызметкерлері қалада орналастырылған. Көшелерде қақтығыстар басталып, 13 желтоқсанның кешіне дейін жалғасты. Қала тұрғындарының арасында 50 адам қаза тауып, 500 адам кепілгер болған. Ұлттық әскерден 19 адам қаза тауып, 85 жараланады.