Карс шарты
Карс шарты — 1921 жылы Армян, Әзірбайжан, Грузин Кеңес Социалистік Республикалары мен Түркия арасында достық туралы жасасқан шарт. РКФСР мен Түркия арасында РКФСР-дің қатысуымен Карс қаласында 13 қазанда жасалды.
Негізгі баптар
өңдеуКарс шарты бойынша Закавказье республикасына Мәскеу шартының (16.03.1921) негізгі қағидалары жүктелді және шекара аймағы тұрғындарының шекарадан өтуін жеңілдету, оларға шекараның арғы, бергі жағындағы жайылымдарды пайдалануға ерік бері туралы, сауда қатынасын орнату және финанс-экономика мәселелерін реттеу жөніндегі комиссия құру туралы мақалалар белгіленді. Шарттың қашанға дейін қолдану мезімі көрсетілмеді. Бұл шарт бойынша Түркия мен Закавказье арасында Александрополь шартының (1920) күшін сақтап қалуға тырысқан кейбір түрік өкілдерінің пиғылынан туатын қақтығыстар жойылды, Түркияның халықаралық жағдайы нығайды, империалистік интевенцияға қарсы оның ұлт-азаттық соғысында жеңіске жетіге жағдай жасалды.[1]
Дереккөздер
өңдеу- ↑ Қазақ Совет энциклопедиясы: Алматы, 1974. 5 том.
| Ортаққорда бұған қатысты медиа файлдар бар: Category:Treaty of Kars |