Кеден шекарасы

Кеден шекарасы – бірыңғай кеден заңнамасы қолданылатын және сыртқы сауданың бірыңғай статистикалық есебі жүргізілетін аумақ шекарасы. Кеден шекарасы арқылы тауарды алып өту кезінде кеден мағлұмдамасын толтыру және кеден баждарын‚ салықтар мен алымдар төлеу талап етіледі.Кеден шекарасы, әдетте, мемлекттік шекарамен үйлес келеді. Жеке тұлға рұқсат белгілері соғылған шетелдік паспорты болғанда шекарадан өтеді. Жеке тұлғаның мағлұмдаманы ресімдемей ақшалай қаражат пен тауарды алып өтуі лимиттеледі және оны үкімет белгілейді.