Кемант

Кемант — Эфиопияның солтүстік-шығысында тұратын агау тобына жататын халық. Жалпы саны 188 мыңға жуық адамды құрайды.

Кемант
Бүкіл халықтың саны
188 000
Ең көп таралған аймақтар
Эфиопия
Тілдері
кемант тілі
Діні
иудаизм

Тілі

Тілі - кемант тілі. Сонымен қатар амхар, тигрин немесе тигр тілдерде сөйлейді.

Діні

Дәстүрлі діні синкретикалық иудаизм - пұтқа табынушылық. Діни нанымдар мен әдет-ғұрыптар құпия сақталады, діни жүйе «жабық».

Тарихы

Кеманттардың шығу тегінен олардың жазба тарихының жоқтығы белгілі. Ауызша аңыз бойынша кеманттың негізін қалаушы Анаер есімді адам болған. Аңыз бойынша өз елінде жеті жыл аштықтан кейін ол Эфиопиядағы Тана көлінің аймағына келді. Ол әйелі мен балаларымен бірге сапарлап жүрген кезде, сол бағытта келе жатқан эфиопиялық еврейлердің негізін қалаушымен танысады. XIII ғасырда кеманттар Эфиопия монархиясының құрамына енді. Олар ХІХ ғасырдың соңына дейін олар амхаризацияға сәтті қарсы тұрды, амхар әкімшілігінің үстемдігін мойындай отырып, діни жүйе мен дәстүрлі қоғамдық ұйымды сақтап қалды және негізінен автономды болды. XIX ғасырдың аяғында күштеп амхаризациялау процесі кезінде кеманттардың көпшілігі христиандықты қабылдады.

Кәсібі

Кеманттардың негізгі кәсібі – қолмен атқарылатын егіншілік, мал шаруашылығы қосалқы шаруашылық болып табылады.

Өмір салты

Кеманттың дәстүрлі әлеуметтік құрылымы 3 деңгейден тұрады: төменгісі – ақсақалдар кеңесі, орта деңейі – әртүрлі дәрежедегі діни қызметкерлер, ең жоғарғысы – жоғарғы діни және саяси жетекші.

Олар шашыраңқы тұрады, ықшам елді мекендері жоқ, жартылай оқшауланған шаруашылықтарға 1-4 отбасы кіреді. Материалдық мәдениеті жағынан амхараға жақын.