Кеманча

Кеманча, кяманча – ысқылы музыкалық аспап. Кавказда (Әзірбайжан, Армения, Грузия және т.б.), Орта және Таяу Шығыс елдерінде кең таралған. Кеманчаның шанағы кокос жаңғағына ұқсас (кейде осы материалдан жасалады да), үнтілшесі жіңішке жылан немесе балық терісінен, мойны ұзын ағаштан, аяғы металдан жасалады. Кеманча да ойнаушы аспаптың аяғын жерге немесе тізесіне тіреп отырады. Кеманча 2, 3 және 4 ішекті болып келеді. Кеманчаның жалпы ұзындығы 850 – 900 мм. Кеманча жеке орындайтын, сондай-ақ, ансамбльдік және оркестрлік аспап ретінде қолданылады.