Кемелхан Ақмырзаев

Ақмырзаев Кемелхан (1938 ж. т., Форт-Шевченко қ.) – журналист, Қазақстан Журналистер одағының мүшесі (1960).

Кемелхан Ақмырзаев
Туған күні	1938 (1938)
Туған жері	Форт-Шевченко, Қазақ КСР
Азаматтығы	Қазақстан  КСРО (1938-1991)
Ұлты	қазақ
Қызметі	журналист

Өмірбаяны

ҚазМУ-дың журналистика факультетін (қазіргі ҚазҰУ) бітірген (1965).

1956 – 60 ж. Шевченко ауданы газетінде корректор, әдеби қызметкер, 1965 – 72 ж. республикалық «Лениншіл жас» («Жас алаш») газетінде әдеби қызметкер, бөлім меңгерушісі, 1972 – 91 ж. республикалық телестудияда аға редактор, бас редактордың орынбасары болды. 1992 жылдан сол студияда аға редактор.

1986 – 91 ж. «Білім, ғылым» бас редакциясының қазақ бөлімін басқарды.

Еңбектері

Ақмырзаев қазақ теледидарында ширек ғасырға жуық қызмет етіп, «Жоғары оқу орындарында», «Қазақстан ғылымы», «Тіл тағдыры – ел тағдыры» аталатын және мектеп, балабақша тәрбиесі хақындағы көкейтесті хабарларды ұйымдастырды.