Кеме авиациясы

Кеме авиациясы (орыс. Корабельная авиация) — әскери-теңіз флоты авиациясының (әскери-теңіз күшінің) кемелерінде және қосымша кемелерде орналасатын ұшақтар мен тікұшақтар.

Кеме авиациясының негізгі бөлігін ұшуға арналған палубасы бар кемелерде орналасқан авиациялар (мысалы, авианосецгер, қайыққа қарсы крейсерлер) құрайды, олар авианосецті немесе палубалық авиация деп аталады. Кеме авиациясының басқа бөлімдерінің құрамына ұшуға немесе қонуға арналған палубасы жоқ кемелерден ұшуға бейімделген немесе солай арнайы жасалған ұшақтар мен тікұшақтардың әр түрлі типтері кіреді. Кеме авиациясының құрамында тік ұшатын және қонатын ұшақтар немесе ұшу мен қонуда қашықтығы мен екпіні қысқартылған ұшақтар пайдаланыла алады. Кеме авиациясы әдетте, жағада орналасқан авиация жете алмайтын теңіздің (мұхиттың) алыс аудандарында колданылады. Кеме авиациясының негізгі міндеттері карсыластың теңіздегі су үстіңдегі кемелері мен су асты қайықтарын (сүңгуір) іздеу және жою, өз кемелерін әуе шабуылынан және сүңгуір қайықтардан қорғау, әуе десанттарын (тікұшақтардан) түсіру, десанттарды түсіргенде және олар жағада әрекет еткенде әскерлерді, оның ішінде теңіз жаяу әскерін қолдау, теңізде барлау жүргізу, миналарды тралдау (сүзіп алу), теңіздегі адамдарды іздеу және құтқару және т.б.[1]

Дереккөздер өңдеу

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл