Кенжехан Туғанбайқызы Нүсіпова
Нүсіпова Кенжехан Туғанбайқызы— педагог, баспагер. [1].1953 жылы 19 қыркүйекте Алматы облысы, Нарынқол ауданы, Тұзкөл ауылында туған. 1977 жылы қазіргі әл-Фараби атындағы Қазақ Ұлттық университетінің химия факультетін бітірген. Еңбек жолын Нарынқол ауданында кәсіптік-техникалық училищеде мұғалімдіктен бастаған.
1991-1996 жылдары Есік қаласында лицейде әдіскер мұғалім болып қызмет істеген. Жоғары категориялы педагог.
1997 жылдан бүгінгі күнге дейін "Мектеп" баспасында жетекші редактор. "Мектеп" баспасында 1999—2000 жылдары жарық көрген қазақша-орысша, орысша-қазақша терминологиялық сөздіктер сериясын дайындауға қатысқан, "Медицина", "Химия", "Биология" сөздіктері авторлық ұжымының мүшесі.
К.Нүсіпова еңбекте қол жеткізген табыстары үшін бірнеше рет Білім министрлігінің мақтау қағазымен, "ҚазКСР-інің білім беру ісінің үздігі" белгісімен марапатталған.
Дереккөздер
өңдеу- ↑ Қазақстан баспагерлері мен полиграфистері. Анықтамалық. Алматы, "Білім" баспасы. 2005 жылы — 576 бет.ISBN 9965-09-134-Х
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|