Кенжеғұл Исабергенов

Кенжеғұл Исабергенов (1922, Маңғыстау ауданы Жыңғылды ауылы – 1994) – педагог, соғыс ардагері. Қазақ КСР-і «Халық ағарту ісінің озық қызметкері» (1968), КСРО «Халық ағарту ісінің үздігі» (1975). 1944 – 45 ж. Ұланақ ұжымшарының басқарма төрағасының орынбасары, ауданы оқу бөлімінде инспектор, 1945 – 47 ж. ауданы балалар бақшасының меңгерушісі, 1947 – 74 ж. ауданы орта мектептерде мұғалімдік қызметтер атқарған. Қызыл жұлдыз орденімен (1943), 1941 – 45 ж. «Германиямен соғыстағы жеңіс» (1946), «В.И. Лениннің туғанына 100 жыл», «Еңбектегі ерлігі үшін» (1970) медальдарымен марапатталған.