Кентөбе – Тоғай темір кендерінің тобы

Кентөбе-Тоғай темір кендерінің тобы – Қарағанды облысы Қарқаралы қаласынан шығысқа қарай 46 км жерде орналасқан кен орындары (Кентөбе, Тоғай-І, Тоғай-ІІ). Ең ірісі-Кентөбе кені. Жалпы кен қоры 100 млн. т-дан астам. Кенді әуелі ашық, кейін жер асты әдісімен өндіру тиімді. Кен құрғақ магниттік бөлу жолымен байытылады. Өндірілген кен Қарағанды металлургия комбинатының шикізаты болып табылады.

Геологиялық құрылымы

Кентөбе-Тоғай темір кендерінің тобыжанартаулық-шөгінді жыныстары мен гранодиорит интрузивтерінің жапсарындағы түрлі құрамды скарнды жыныстарда орналасқан. Екі телімнен (негізгі және шығыс) тұратын Кентөбе кенінде қалыңдығы 10 – 80 м, ұзындығы 2,6 км-ге жететін 6 кен денесі бар.

Минералдары

Кен құрайтын негізгі минерал-магнетит, сондай-ақ пирротин, пирит, халькопирит, арсенопирит, галенит кездеседі.