Кенішбай Жұбандықұлы
Кенішбай Жұбандықұлы (1885, Қарағанды облысы Бұқар жырау ауданы Белағаш ауылы – 1956, сонда) – халық ақыны. Бала кезінен өлең шығарып аты шыққан. Кенішбай – айтыстарға көп қатысқан төкпе ақын. Бақтыбай, Тазабек секілді ақындармен, Ажарбике, Нақбала, Мақпал, Ажар, Ғайша сияқты ақын қыздармен айтысқан. Мысал, сықақ өлеңдерімен адам бойындағы келеңсіздіктерді сынап отырады (“Байдың үйіне қонуы”, “Түйе намаз”, т.б.). Кенішбайдың кеңестік дәуірде жазған өлеңдері үнемі газет беттерінде жарияланып тұрды. Кеңестік кезеңнің аумалы-төкпелі кезінде елдегі өзгеріс, жаңалықтарды өз шығармаларына арқау етті (“Жеткенде ақын болдым он бес жасқа”, “Жарқылдап терезесі күнмен ойнап”, “Асудан халқым асқанда”, т.б.). Шығармалары Орталық ғылыми кітапхананың қолжазбалар қорында сақтаулы тұр.[1]
Дереккөздер
өңдеу- Жауға қарсы ұшақ жасатқан Кенішбай ақын неге ескерілмей келеді? Мұрағатталған 17 мамырдың 2014 жылы.
- ↑ Қазақ энциклопедиясы
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |