Кепілдікті мерзімтұтынушы өнімді пайдалану, тасымалдау, сақтау және техникалық күтім жасау шарттарын сақтаған жағдайда дайындаушы (орындаушы, жеткізуші, өндіруші) оның белгіленген талаптарға сай келуіне кепілдік беретін мерзім. Дайындаушы осы мерзім бойына бұйымның сапалық көрсеткіштерінің тұрақтылығын қамтамасыз етеді, ал тұтынушы өнімнің (тауарлардың) ашылған кемшіліктері жөнінде жеткізушіге (сатушыға) кінәрат-талап қоя алады. Сондай-ақ қалпына келтірілген немесе жөнделген бұйымдарға, техникалық ресурсқа, бұйымның қызмет көрсету мерзіміне де осындай кепілдікті мерзім қолданылады. Өнім тұтынушыга табыс етілген сәттен бастап, ал халық тұтынатын тауарлар үшін бөлшек саудада сатылған күннен бастап немесе шығарылған күннен бастап есептеледі. Дайындаушы өзінің кінәсынан болған барлық ақауларды (сәйкессіздікті немесе міндерді) қепілдікті мерзім бойына қосымша төлемсіз жөндейді. [1]

ДереккөздерӨңдеу

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2