Керегетас әктас кен орны

Керегетас әктас кен орны - Павлодар облысы Майқайың темір жол стансасынан оңтүстікке қарай 45 км жерде орналасқан. Барлау жұмыстары 1958-1962 жылдары жүргізілген.

Геологиялық құрылымы

Кен орнындағы жоғарғы ордовик кезеңінің Жарсор шоғырының қалыңдығы 200-700 м. Алаңда шағын амплитудалы тектоникалық жарылымдар орын алған.

Жатыс сипаты

Кен денелері туф, құмайттас, тақтатас қабатшалары бар, ішкі құрылысы ұсақ кристалды ашық сұр әктастан құралған. Жарылым маңындағы әктастар мәрмәрға, кей жерлерде шақпақ тасқа айналған.

Құрамы

Әктастың химиялық құрамының салмақ есебімен орта мөлшері: CaO – 54,6%, MgO – 0,52%, P – 0,006 – 0,01%. Әктастар алюминий, ферросплав өндіруге қажет флюске қосымша шикізат, цемент өндірісінде, құрамында СаО 50%-дан кем әктастар құрылыс материалы ретінде қолданылады. Кен орнын 1957 жылдан бері Павлодар алюминий зауыты пайдаланып келеді.