Килиманджаро

Килиманджаро (суах. Kilimanjaro, ағылш. Kilimanjaro) — Шығыс Африкадағы жанартаулық массив, Танзания мемл. аумағында. Биікт. 5895 м (Африка құрлығының ең биік жері). Сөнген үш жанартаудан – Кибо (5895 м), Мавензи (5355 м) және Ширадан (4006 м) тұрады. Килиманджаро, негізінен, трахибазальттар мен фонолиттерден түзілген. Оңт. және оңт.-батыс беткейлерінде (3100 м биіктікте) жауын-шашынның жылдық мөлш. 1000 – 3000 мм. Етегінен 1000 м биіктікке дейін саванна, одан жоғары тау гилеясы, папоротник, тропиктік биік таулық және шөлге төзімді өсімдіктер өседі. 1000 – 1800 м биіктік аралығында кофе, банан плантациялары бар. Тау бастарында мұздықтар жатады. Аум. 75,6 мың га Килиманджаро ұлттық саябағы бар.

Шыңдағы қар мен мұздың 1993 (жоғарыда) жылдан 2000 (төменде) жылға дейінгі азаюы.