Килисли Муаллим Рифат

Килисли Муаллим Рифат, Рифат Білге (1876, Түркия, Ғазиантеп уәлаяты, Килис илі – 1953) – түрік тілін зерттеуші ғалым.

Килисте бастауыш білім алған. Стамбұлдағы мұғалімдер институтын бітірген (1898). Өмірінің соңына дейін түрлі жоғары оқу орындарында түрік, араб, парсы тілдері мен әдебиеті пәндері бойынша оқытушылық қызмет атқарған. Орта ғасырларда араб, парсы тілдерінде жазылған түркі халықтарына ортақ жазба ескерткіштерді бастырып шығарған:

• “Қорқыт ата кітабы” (1914)
• “Диуани лұғат ит-түрк” (1917)
• “ибн Муканна сөздігі” (1919)
• “Сағди сөздігі” (1924)
• “Саяхатнама” (1928)
• “Манилер” (1928)]], т.б.

Сондай-ақ, Сағди, Сұлтан Валед, т.б. ақындардың шығармаларын түрік тілінде жарыққа шығарды.