Ким Римма Ивановна

Ким Римма Ивановна (1.1. 1946 жылы туған, Өзбекстан, Ташкент облысы бұрынғы Политотдел ұжымшары) – биші, балетмейстер, Қазақстанның халық артисі (1993; 1982 жылдан Қазақстанның еңбек сіңірген артис). Ташкент хореографиялық училищесін (1964), ГИТИС-ті (қазіргі Ресей театр өнері академиясы) (1983) бітірген. 1960 – 64 жылдары Ташкенттегі Мукими музыкалы театрының бишісі, 1964 – 67 жылдары Өзбек ән мен би ансамблінде биші, 1967–90 жылдары Алматыдағы Респуликалық корей музыкалы комедия театры балет тобының бишісі болды. 1990 жылы Алматыда жекеменшік корей өнер мектебін ашты, оның жанынан “Бидульги” (“Көгершіндер”) балалар ансамблін ұйымдастырды. Осы ұжыммен Ким Корея, КХДР, Қытай, Жапония, Ресей, АҚШ-та гастрольдік сапармен болды. 1999 жылдан Республикалық корей музыкалы комедия театрында бас балетмейстер.