Китаб Әл-Харадж Уә Санат Әл-Китаба

X ғасырда жазылған Қудама ибн Жафардың кітабы

Китаб Әл-Харадж Уә Санат Әл-Китаба (“Жер салығы және хатшының өнер кітабы”) – тарихи шығарма. Авторы – Әбу-л-Фарадж Құдама ибн Жафар әл-Басри. Шығарма 928 ж. жазылған. Онда Араб халифатының әкімшілік бөлінісі, жол қатынасы, жерге орналасу мәселелері, қалалар, таулар мен өзен-көлдер туралы мәліметтер бар. Шығармада қарлұқтар, оғыздар, қимақтар сияқты түркі тайпалары, олардың орналасуы, Оңтүстік Қазақстан мен Жетісу шегіндегі Испиджабтан Тараз арқылы Ыстықкөлге дейін өтетін сауда жолдары, қалалар мен елді мекендер, олардың арақашықтығы жөнінде маңызды деректер келтіреді. Тараз бен Құланның солтүстігінде жатқан құмнан (Мойынқұм) кейін қимақтардың елі басталады, ал Тараздың шығыс жағында қарлұқтардың жайылымдары басталады деп көрсетілген.

Дереккөздер өңдеу

Крачковский И.Ю.,[1], т. 4, М. – Л., 1957;
Кумеков Б.Е.,[2], А.-А., 1972.

  1. Избр. соч.
  2. Государство кимаков ҚX – XҚ вв. по арабским источникам

Қазақ Энциклопедиясы, 11 - том