Клавдия Алексеевна Костина

Клавдия Алексеевна Костина (4.12.1909, Ресей, Орынбор облысы Николаевка селосы – 13.4.1982, Алматы қаласы) – эпидемиолог, медицина ғылымының докторы (1968), профессор (1969), Қазақ КСР-інің еңбек сіңіргенғылыми қайраткері (1975), Қазақ КСР-інің еңбек сіңірген дәрігері (1975).

• 1937 - Алматы мемлекеттік медициналық институтын (қазіргі Қазақ ұлттық медициналық университеті) бітірген.
• 1950-1953 - Қазақ КСР-і Денсаулық сақтау министрінің орынбасары,
• 1954-1958 - Қазақ КСР-і Бас санитарлық-эпидемиология басқармасының бастығы, Қазақ эпидемиология, микробиология және жұқпалы аурулар ғылыми-зерттеу институтының директоры қызметтерін атқарды.

«Опыт снижения заболеваемости дифтерией в Казахстане (1959–1967 жж.)» деген тақырыпта докторлық диссертация қорғаған. Костина Қазақстанда полиомиелит және күл ауруларын жою шараларын жасап, жұқпалы ішек ауруларының эпидемиологиясын, олардан вакцина егу арқылы сақтану мәселелерін зерттеген. Ленин, 2 рет Еңбек Қызыл Ту, «Құрмет Белгісі» ордендерімен және медальдармен марапатталған.