Басты мәзірді ашу
Клаудио КаниджаФутбол
Caniggia atalanta.jpg
Жалпы мағлұмат
Толық аты Клаудио Пауль Каниджа
Туған күні 9 қаңтар 1967(1967-01-09) (52 жас)
Эндерсон, Аргентина
Азаматтығы  Аргентина
Бойы 174
Позиция шабуылшы
Клуб жайлы ақпарат
Клуб карьерасын аяқтады
Карьера
Жастар клубы
1982—1985 Аргентина Ривер Плейт
Клуб карьерасы*
1985—1988 Аргентина Ривер Плейт 53 (8)
1988—1989 Италия Верона 21 (3)
1989—1992 Италия Аталанта 85 (26)
1992—1994 Италия Рома 15 (4)
1994—1995 Португалия Бенфика 23 (8)
1995—1999 Аргентина Бока Хуниорс 74 (32)
1999—2000 Италия Аталанта 17 (1)
2000—2001 Шотландия Данди 21 (7)
2001—2003 Шотландия Рейнджерс 50 (12)
2003—2004 Катар Катар СК 15 (5)
2012 Англия Уэмбли 0 (0)
Ұлттық құрамы**
1987—2002  Аргентина 50 (16)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Клаудио Пауль Каниджа (ис. Claudio Paul Caniggia; 9 қаңтар 1967 жыл[1], Эндерсон, Аргентина) — аргентиналық футболшы, шабуылшы. Аргентина құрамасының экс-футболшысы. 1990, 1994, 2002 жылдары әлем чемпионатына қатысқан. Тағы бір Аргентиналық футболшы Диего Марадонаның жақын досы.

КарьерасыӨңдеу

КлубтықӨңдеу

Карьерасын "Ривер Плейтте" бастады. 1988 жылға дейін ойнап, Италияға ауысты да, "Верона", "Аталанта", "Рома" секілді клубтарда доп тепті. 1994 жылы "Бенфикаға" ауысып, бір маусым ойнады да, отанына — "Ривер Плейттің" бітіспес қарсыласы "Бока Хуниорсқа" оралды. Аргентиналық клубта ә дегенде тәуір ойнағанымен, кейіндеу негізгі құрамға онша іліге алмай, Еуропаға кетуге мәжбүр болды.

1999 жылы "Аталантаға" қайта оралып, бір жылдан соң күтпеген жерде Шотландия чемпионатында, "Данди" клубында ойнады. "Дандидегі" нәтижелі ойыны "Рейнджерс" клубының басшыларын қызықтырды да, 2001 жылы жазда глазголық команданың сапына кеп қосылды. Үш маусым ойнап, катарлық ақшалы клубтардың біріне кетті де, 2004 жылы футболмен қоштасты.

Ұлттық құрамадаӨңдеу

1990 жылғы әлем чемпионатында екі рет көзге түсті. 1/8 финалда Бразилиямен ойында Марадонаның алаң ортасынан бір өзі өрбіткен нәтижелі аяқтады. Жартылай финалда Италиямен ойында есепті теңестіріп, құраманы жеңілістен құтқарып қалды.

1994 жылы АҚШ-та өткен әлем чемпионатының екінші ойынында Нигерияның қақпасына екі гол соқты да, құраманың жеңісіне үлес қосты. Бірақ осы ойыннан соң құраманың көш басшы ойыншысы Марадона допингпен ұсталып, чемпионаттан шеттетілді. Марадона кеткен соң Каниджаның да ойыны көңілдегідей болмай, 1/8 финалда Румыниядан ұтылып қалды.

1998 жылғы әлем біріншілігіне Даниэль Пассарелланың "футболшылары ұзын шашпен ойнамасын" деген талабын орындамағандықтан бара алмай қалды. Сол күйі Каниджа құрамада ешқашан ойнамайды деген де болжамдар болды, бірақ 2001 жылы "Рейнджерс" командасындағы керемет ойынынан соң 2002 жылғы әлем біріншілігіне бару үшін құрамаға шақыртылды.

2002 жылғы біріншілікте бір ойында да алаңға шыққан жоқ, топтық кезеңнің соңғы турындағы Швециямен ойында төрешіге айтқан ауыр сөзі үшін қосалқы құрамда отырған жерінен алаңнан қуылды. Құрама ол чемпионатта топтан шыға алмады да, Каниджа құрамадағы карьерасына нүкте қойды.

ЖетістіктеріӨңдеу

КомандалықӨңдеу

  • ӘЧ күміс жүлдегері — 1990
  • Америка кубогының жеңімпазы — 1991
  • Конфедерациялар кубогының жеңімпазы — 1992
  • Аргентина чемпионы — 1985/86, 1998 (апертура)
  • Шотландия чемпионы — 2002/03
  • Шотландия Лигасының кубогы — 2001/02, 2002/03
  • Шотландия кубогы — 2002/03
  • Катар кубогы — 2003/04
  • Либертадорес кубогы — 1986
  • Құрлықаралық кубок — 1986
  • Америкааралық кубок — 1987

Қатысқан турнирлеріӨңдеу

  • Америка кубогы: 1987, 1989, 1991
  • Әлем чемпионаты: 1990, 1994, 2002
  • Конфедерациялар кубогы: 1992

ДереккөздерӨңдеу

СілтемелерӨңдеу