Колумбиялықтар

Колумбиялықтар – Оңтүстік Америкадағы Колумбия мемлекетінің байырғы халқы. Жалпы саны – 34,5 млн. адам (1992).

Испан тілінің жергілікті диалектісінде сөйлейді. Колумбиялықтар үш тарихи этнографиялық топтан құралған. Оларға жергілікті үндіс тайпалары, 17ғасырдың 30-жылдарынан бастап қоныстанған испандар, сол кезден құл есебінде әкелінген зәңгілер жатады. Кейінірек оларға Батыс Еуропа елдерінен келген қоныс аударушылар қосылды. Антропологиялық жағынан Колумбиялықтар біртекті емес. Колумбиялықтардың 45%-ы еуропалық нәсілге жататын креолдар, 40%-ы еуропалықтар мен сары нәсілге жататын үндістердің араласуынан қалыптасқан араласқандылар. Қалғандары үндістер, мулаттар, самболар. Колумбиялықтар христиан дінінің католик тармағын ұстанады. Ауыл шаруашылығындағы негізгі кәсіптер кофе, банан, қант құрағын, мақта, дәнді дақылдар өсіреді.

Балық аулау мен мал шаруашылығы да (мүйізді ірі қара) дамыған. 20 ғасырдың ортасынан мұнай өңдеу кәсібі, қара металлургия, жеңіл және тамақ, құрылыс материалын жасау өнеркәсібі дамыды. Колумбиялықтардың рухани және материалдық мәдениетінен испандардың ықпалымен қоса зәңгілер мен үндіс мәдениетінің де әсері байқалады.

, т. 2, М., 1959.

Дереккөздер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том