Кондиционер

Кондиционер, қалаулеп - ауаны қалаулы лепте ұстауға арналған жабдық немесе қондырғы.^[1]

1 — конденсатор
2 — жылу реттейтiн шұра
3 — булағыш
4 — компрессор

Жабық бөлмелердегі ауаның температурасын, ылғалдығын, тазалығын және ауа алмасуын адамға барынша қолайлы жағдайда автоматты түрде ұстап тұруға арналған. Кондиционердің құрамында: салқындату агрегаты (электр жетекті және ауа салқындатқыш буландырғышы бар компрессор, конденсатор, ауа сүзгісі, электр жетекті желдеткіш, бұларға қосымша салқындату агрегатының жұмысын автоматты бақылау мен реттеуге және бөлмедегі ауаны қажетті дәрежеде ұстауға арналған приборлар бар. Кондиционерді жұмыс істету, тоқтату және жұмыс ырғағын өзгерту агрегаттық алдыңғы жағында орналасқан басқару пульті арқылы іске асырылады.

Тұрмыстық кондиционер

Тұрмыстық кондиционерлер әдетте терезеге орнатылады. Бұл үшін рамаға немесе қабырғаға бекітілетін арнайы монтаждау тетіктері бар; бұл тетіктер кондиционердің комплектісіне кіреді және онымен бірге сатылады. Кондиционерді терезеге орнатқанда, оның қос қапталындағы торлы саңылаулары мен артқы (терезе сыртына қарайтын) жағы бөгде заттармен жабылып қалмауы шарт. Қапталдық саңылау торларының бөгетке дейінгі қашықтығы 150 мм, ал артқы жағы 400 мм-ден кем болмауы қажет.

Тұрмыстық кондиционерлер көбінесе бөлмейін ауасын ағындата желдету жұмысын да атқарады. Бұлар жылы мезгілде ауаны сал-қындатады және құрғатады, салқын кезде — жылытады және ылғалдандырады. Кондиционер ұдайы жұмыс істейтін, тынығатын орындардан алысырақ орнатылады. Оның өтіне тым жақын отыру денсаулыққа зиянды. Ауданы 25, 30 және 35 м²-ге дейін жететін бөлмелерді кондиционер ауасымен қамтамасыз етуге осы көлемдерге сәйкес есептелген БК — 1500, БК — 2000 және БК — 2500 тұрмыстық кондиционерлері шығарылады; бұлардың ауаны алмастыру өнімділігі тиісінше 700, 750 және 1000 м3/сағ.; қоректену қуаты 900, 1150 және 1450 Вт; ауқым өлшемдері 570X450X320 мм, 570X520X320 мм және 570X520X400 мм.

Кондиционердің корпусы жермен қосылған соң ғана оны электр желісіне қосуға болады. Кондиционерді тек кепілді күтім көрсету ательесінің технигі ғана орнатып, жұмысқа қосады.^[2]

Дереккөздер

↑ О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова. Аурудың алдын алу және сақтандыру бойынша орысша-қазақша терминологиялық сөздік. Шымкент. “Ғасыр-Ш”, 2005 жыл. ISBN 9965-752-06-0
↑ Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова. Аурудың алдын алу және сақтандыру бойынша орысша-қазақша терминологиялық сөздік. Шымкент. “Ғасыр-Ш”, 2005 жыл. ISBN 9965-752-06-0

[2] Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

[1]

[2]