Константин Арутюнович Акопян

Константин Арутюнович Акопян (14.3.1901, Әзірбайжан, Ханлар ауданы, Мирзик ауылы – 1974, Орынбор қаласы) – ауыл шаруашылығының ғылыми докторы (1956), профессоры (1957), Ресейдің еңбек сіңірген ғылыми қайраткері (1960). Баку ауыл шаруашылығы институтын (1927) және Мәскеу ауыл шаруашылығы академиясын бітірген. 1937–38 жылдары Орынбор етті-сүтті мал шаруашылығы институты директорының ғылыми жұмыстар жөніндегі орынбасары. 1958–74 жылдары Орал облысында қазақтың ақбас сиырын жетілдіру жұмысын басқарды. Негізгі ғылыми еңбектері ірі қара малын асылдандыру және оны өсіру мәселелеріне арналған. Қазақтың ақбас сиырын шығарушылардың бірі. КСРО Мемлекеттік сыйлығы (1951) лауреаты. «Құрмет Белгісі» орденімен және медальдармен марапатталған.[1]

Сыртқы сілтемелерӨңдеу

ДереккөздерӨңдеу

  1. Қазақ энциклопедиясы