Кувейттіктер
Кувейттіктер — Кувейттің негізгі халқын құрайтын араб халқы.[1] 1957 жылғы халық санағы бойынша 206,4 мың адам, 1985 жылы – 1,712 млн, 1995 жылы – 1,576 млн, 2001 жылы – 2,275 млн адам тұрды.[2]
| Кувейттіктер | |
 | |
| Бүкіл халықтың саны | |
|---|---|
|
2,2 млн. | |
| Ең көп таралған аймақтар | |
| Тілдері | |
| Діні | |
Тілі
өңдеуОлар араб тілінің араб тобының шығыс араб диалектісінде сөйлейді. Парсы және ағылшын тілдері де кеңінен таралған.[3]
Діні
өңдеуДінге сенушілердің діни ағымы: сүнниттік мұсылмандар, бір бөлігі – шииттер.[4]
Кәсібі
өңдеуБәдеуилердің дәстүрлі кәсібі - көшпелі және жартылай көшпелі мал шаруашылығы (түйелер мен ұсақ мал). Олар оазистерде егіншілікпен айналысады (негізінен құрма, жеміс ағаштарының кейбір түрлері, бақша және бұршақ дақылдары). Жағалаудағы аудандардың тұрғындары балық аулау және асшаяндарды өндірумен айналысады. Өнеркәсіптің басты саласы — мұнай.[5] Экономиканың дамуы және типтік араб менталитеті кувейттіктерді табысты кәсіпкерлерге айналдырды. Мұнда көптеген жеке кәсіпкерліктер бар.[6]
Өмір салты
өңдеуОтбасы Кувейт қоғамының маңызды элементтерінің бірі болып табылады, дәстүрлі түрде бұл ұғым румен немесе қауыммен байланысты. Мұнай өндірісі басталғаннан кейін Кувейт өмірінің модернизациясы отбасының жағдайын біршама өзгертті. Кувейттер дәстүрлі түрде көп балалы отбасыларды жақсы көреді. Балалардың, әсіресе ұлдардың саны әрқашан беделдің өлшемі болды, сондықтан төрт-бес бала қалыпты болды.[7]
Бәдәуилердің үйі – ешкінің жүнінен жасалған қара шатыр. Отырықшы және жартылай отырықшы халық төбесі тегіс, ауласы бар бір қабатты, бір бөлмелі саман үйлерде тұрады.
Көшпелілердің киімінде ерлердің орамалының түсі ақ-қара немесе қызыл-ақ. Отырықшы тұрғындардың киімдері дәстүрлі және еуропалық ерекшеліктерді біріктіреді (ұзын жеңді кең көйлек үстінде – пенжак). Дәстүрлі әйелдер киімі ерлердікінен сәл ғана ерекшеленеді. Оңтүстікте қара жүннен немесе жібек матадан тігілген дәстүрі бойынша көзге саңылаулары бар бетперде (бурга) киеді. Қалалық әйелдер үшін еуропалық көйлек бетті жабатын жұқа шарфпен біріктірілген.
Отырықшы тұрғындардың тамағы – бидай немесе арпа шелпектері, қайнатылған ұсақталған бидайдан жасалған ботқа, қышқыл сүт, қой ірімшігі, құрма, мереке күндері – ет және құс еті, жағалау аймақтарында – жаңа және кептірілген балық. Көшпелілер мен жартылай көшпелілердің тағамында сүт өнімдері басым.[5]
Дереккөздер
өңдеу- ↑ Словари КУВЕЙТЦЫ https://slovaronline.com/browse/fa4585f4-505a-3f1f-b938-6b8da72b02ac/%D0%BA%D1%83%D0%B2%D0%B5%D0%B9%D1%82%D1%86%D1%8B
- ↑ Кувейтцы https://dic.academic.ru/dic.nsf/ruwiki/382891
- ↑ Большая российская энциклопедия https://bigenc.ru/ethnology/text/2118773 Мұрағатталған 20 маусымның 2022 жылы.
- ↑ иллюстрированный энциклопедический словарь https://sanstv.ru/dict/%D0%BA%D1%83%D0%B2%D0%B5%D0%B9%D1%82%D1%86%D1%8B
- ↑ a b народы мира / Кувейтцы http://www.etnolog.ru/people.php?id=KUVE
- ↑ Кувейтцы – жизнь в городах, отдых в пустынях https://musaget.ru/kuveyttsy-zhizn-v-gorodah-otdyh-v-pustynyah
- ↑ Обычаи и традиции Кувейта https://guide.travel.ru/kuwait/people/traditions/