Куманово

Куманово — Македониядағы Куманово қауымдастығының орталығы, қала. Ол Македония қалаларының ішіндегі тұрғындар саны жөнінен үшінші орын алады. Халқының саны — 70 842 адам.

Куманово қаласы Македония Республикасының солтүстік-шығыс бөлігінде орналасқан. Қала арқылы Липовка және Койнарка өзендері ағып өтеді. Қала теңіз деңгейінен 350 метр биіктікте жатыр.

Тарихы

Тарихшылар болжамы бойынша Куманово сөзі түрік тайпасы құмандардың атымен аталады. Құмандар бұл қалада 12-13 ғасырларда қоныстанған. Қала атауы 1519 жылы алғаш рет ежлгі түрік тарихи деректерінде ұшырасады. Куманово Карпош көтерілісінің ошағы болған және оның астанасының рөлін атқарған.

Кумановадан жақын маңда 1912 жылы 23 қазан күні Кұман шайқасы болып өтті. Бұл шайқаста серб әскері түріктерді ойсырата жеңеді. Бұл Бірінші Балқан соғысындағы шайқастардың бірі болды.

Ұлттық құрамы

2002 жылғы санақ бойынша тұрғындардың этникалық құрылымы:

• македондықтар — 47 744 ;
• албандар — 18 278 ;
• сербтер — 5230 ;
• сығандар — 4056 ;
• түріктер — 256 ;
• влахтар — 108 ;
• босниялықтар — 14;
• өзге ұлттар — 586.