Кірпібастар тұқымдасы

Кірпібас тұқымдасы (Sparganіaceae) – суда және батпақта өсетін көп жылдық өсімдіктер. Негізінен субарктикалық, қоңыржай және субтропиктік аймақтарда таралған. 1 туысы, 20 түрі бар. Облыстың барлық аумағында өсетін жалғыз туысы – кірпібас (Sparganіum), оның 4 түрі өзен жағалауында, су басқан шалғында өседі. Әсіресе жабайы кірпібастың (Sparganіum sіmplex) айрықша маңызы бар. Биіктігі 10 – 100 см. Сабағы бұтақтанып біткен. Жапырағы қос қатарлы, кезектесіп орналасқан, таспа пішіндес, түбінде қынабы бар. Гүлі дара жынысты, ұсақ, жұмыр гүлі қою, шар пішіндес, оның аталық гүлі жоғары, ал аналығы төмен орналасқан. Маусым – тамыз айларында гүлдеп, шілде – қыркүйекте жемістенеді. Жемісі – жаңғақ. Дәнімен су құстары қоректенеді; олар түлегенде қалың өскен кірпібас арасына жасырынады.[1]

Sparganium simplex nf

Дереккөздер өңдеу

  1. Қазақ энциклопедиясы

Сыртқы Сілтемелер өңдеу

Ортаққорда бұған қатысты медиа санаты бар: Sparganiaceae